Bloggsvæði Ásgeirs

Caracas

Sun, 09 Nov 2008 04:58:42 GMT

Er í Caracas Venesuela, stofufangelsi dauðans, já það er nefnilega það. Ekki er hægt að fara út af þessu hóteli án þess að eiga það á hættu að verða rænt. Fór út og var við sundlaugabakkann áðan, þurfti að flýja upp á herbergi þar sem að það er algjört úrhelli, ætli maður verði ekki að reyna að finna mynd á flakkaranum og vera bara hér .

Adios

Loksins loksins..............

Sat, 21 Jun 2008 04:13:08 GMT

Ég veit að margir hafa beðið óþreyjufullir eftir þessari stórfrétt sem að ég lofaði hér fyrir margt löngu síðan, en nú er komið að því.
Eftir að hafa rekið einn fréttamann, farið í frí sjálfur, ráðið fréttamanninn aftur og önnur óþægindi átt sér stað þá er komið að þessu.
Málið er að ég skrifaði hér fyrir löngu síðan að ég ætlaði að verða minna en 0.1 tonn að þyngd og átti það að gerast fljótt og örugglega, skemmst er frá því að segja að official viktin í Sundlaug Kópavogs sýndi mér að ég væri 99.8 kg (í gær föstudag) sem hefur ekki gerst í 6 ár allaveganna.
Ekki hefur þetta verið létt verk, búinn að hlaupa ábyggilega til Akureyra og til baka lifta sem samsvarar heilu húsi og er nýkominn inn á hótel í Orlando búinn að hlaupa 10km í 30° hita úfffff ekki auðvelt.
Eins og einn flottur sagði "helköttaður fyrir verslunarmannahelgi, tanaður í drasl og massaður í rusl".
Þannig að eins og sjá má þá er skýringin komin á því hversvegna að þessi frétt var svo lengi að birtast, hún er bara sú að þetta ætlaði bara aldrei að ganga hjá mér.
Nú er ég í Orlando og þessu ber að fagna með stórum bjór og góðri steik, er það ekki :haha:
Og svo kem ég heim og sé til hvort að ég þurfi ekki að stroka þetta allt saman út.
En er að fara í sumarfrí í júlí :lol: sem hefur ekki gerst í langan tíma og ætla sko að njóta.

Góðar stundir....

Það ku vera fallegt í Kína, keisarinn sér um sína....

Tue, 06 May 2008 06:57:55 GMT

Jabb, þá er maður kominn til Kína er staddur í mjög skítugri og stórri borg sem að heitir Goungzhou, en byrjuðum á að vera í Peking sem er rosa flott og snyrtileg (mætti halda að það væru að fara að byrja Ólympíuleikar þarna eða eitthvað svoleiðis, hmmmm).
Og getið? hvað þegar að ég vara að fara hingað þá spurði ég gæjann sem að seldi okkur pottinn hvar hann hafði keypt hann og hvað haldið þið?..... í Goungzhou af öllum borgunum í Kína þá var það akkúrat borgin sem ég var að fara til, rosa tilviljun ha.
Ég fór náttúrulega út til að finna varahlut í pottinn, ég fór af stað með miða með heimilisfangi skrifaðann með táknum á kínversku, í leigubíl, fæstir tala ensku þannig að eina vopn mitt var miðinn fíni og rambaði á réttann stað eftir að hafa gengið um skítahverfi þar sem að fólk horfði á mig á þann hátt að mér stóð ekki alveg á sama.
En allaveganna þá fann ég gæjann og sagðist hann geta reddað þessu og þetta yrði klárt á morgun :d

En varðandi fréttina sem átti að birtast hér fyrir einhverri viku síðan, hún verður en að bíða þar sem en er verið að vinna í þessu og ef fréttamaður verður ekki klár með þetta þegar að ég kem heim verður hann rekinn og hananú.

kveðja frá Kína

Seinkun

Sat, 26 Apr 2008 02:49:08 GMT

Það verður seinkun á þessari rosalegu frétt sem var lofað hér á Bloggsvæði Ásgeirs fram í næstu viku. Er þetta vegna þess að fréttamaður er að vinna í fréttinni og mun taka örlítið lengri tíma en áætlað var.

En við bíðum ennþá spennt.

Núna er spennan í hámarki

Tue, 22 Apr 2008 19:41:35 GMT

Já allir saman, það bíður ykkar eitt allra heitasta blogg sem komið hefur fram á þessari bloggsíðu.

Þetta gerist fyrr en seinna, vonandi fyrir lok vikunnar.

Við bíðum öll spennt...........................

Mótmæli á franska vísu

Thu, 03 Apr 2008 13:59:08 GMT

Mikið er gott að einhverjir hafi tekið sig saman og mótmælt á almennilegann hátt, ekki bara hanga uppí sófa og nöldra ofaní brjóstið á sér.
Ég styð þessar mótmælaaðgerðir heilshugar, og gef ég lítið fyrir þá skýringu að ríkið þurfi pening til að byggja vegi, þar sem að áætlanir hljóta að miðast við verðið sem var fyrir tveimur mánuðum síðan og tekjur ríkissjóðs aukast í hvert skipti sem að bensín hækkar.
Ég man ekki betur en að fyrir einhverjum 10 árum síðan þá hafi verið lagður svokallaður bifreiðaskattur á bíla sem átti að vera tímabundin, veit ekki betur en þessi skattur liggi en á bílaeigendum.

kv
Einn sem nöldrar ofan í brjóstið á sér og horfar á af kantinum hehe

Páskar á Tælandi

Wed, 19 Mar 2008 09:30:23 GMT

þá er vinnan að pína mig eins og fyrri daginn, fæ ekki að vera heima um páskana, buhuhu.
En ætla að reyna að gera gott úr þessu og erum búnir að panta golf allaveganna einn daginn, varla að maður tími að fara oftar þar sem að þetta kostar hönd og fót að spila golf þarna.
Og svo verður bara slakað á í sólinni í fjóra daga í Tælandi og svo skreppum við aðeins til Dubai, ætli maður eyði ekki peningum þar eins og fyrri daginn kaupir sér eitthvað fallegt.

En hvernig sem að þetta allt saman fer þá ættuð þið að njóta samvista minna 29. apríl þegar að ég kem heim úr erfiði vinnunnar.

adios

blogg leti.....

Tue, 29 Jan 2008 10:17:49 GMT

Maður er alveg hættur að nenna þessu bloggstússi lengur, en ætla að sýna smá lit og skrifa eitthvað, herma eftir Hjalta félaga og telja upp þá staði sem að maður hefur komið til eftir að maður byrjaði að fljúga. Þá er ég að meina einhverja staði sem að ég hef gist á ekki bara flogið fram og til baka.

Evrópa:

London (allir þekkja þennan stað )

Manchester (ágætis borg, gaman að rölta um hana )

Stokkhólmur (gamli bærinn mjög flottur eins og klipptur út úr mynd frá 17. öld fullt af sérhæfðum búðum og margir veitingastaðir )

Helsinki (ósköp skandinavísk borg, var þar í næstum mánuð þannig að ég var búinn að fá alveg nóg )

Kaupmannahöfn (eins og London lítið um það að segja )

Brussel og Liege (myndi ekki fara þangað í sumarfrí )

Madrid (fín á sumrin en getur orðið drullukalt á veturnar )

Vitoria (inn í miðjum Spán ábyggilega allt í lagi að vera þar en getur líka verið kalt á veturna, ekki langt frá Madrid )

Budapest (var þar í 11 tíma en náði aðeins að skoða mig, gömul og flott væri til í að skoða aftur )

Arona (rétt hjá Milano mjög fallegt og skemmtilegt að vera liggur við stórt vatn. Sumarfrí? já örugglega, nema að hótelherbergin eru þau minnstu sem að ég hef séð )

Krít (semmtilegur og rólegur sumardvalarstaður, samt ekkert of mikið fyrir börn að gera þar )

Antalia (í Tryklandi svona ósköpvenjulegur sumardvalarstaður, strönd og fullt af hótelum )

Afríka:

Mombasa (í Kenýa, Mombasa er ekkert sérstök en ábyggileg gaman að fara í safarí þarna einhverntímann, spilaði golf þarna innan um fullt af öpum, það var soldið sérstakt )

Ouagadugu ( í Burkina Fasu, heitt, heitt, heitt, þegar að við lentum kl 9 að kvöldi var 40°, fátækt og heitt )

Accra (Með skárri borgum í Afríku en Afríka er alltaf Afríka )

Jóhannesarborg (get svo sem lítið um það sagt var þar í 8 tíma )

USA og Kanada:

New York (Gaman en dýrt og troðið af fólki )

Boston (skemmtileg og frekar Evrópsk )

Baltimore (ef þú þarft að versla )

Orlando (jú jú fínt að vera og gott að vera í sumarfríi þar )

Minneapolis (svipað og Baltimore lítið að gera en gott að versla )

San francisco (skemmtilegasta borg Bandaríkjanna falleg og mjög margt að skoða, væri til í að eyða góðum tíma á þessu svæði )

Toronto (júbb því ekki, t.d. hæsti útsýnisturn í heimi er þar )

Hamilton (rétt fyrir utan Toronto skítapláss, lítur út fyrir að þeir sem hafa ekki efni á að búa í Toronto eru þarna, en fékk samt rosa góða steik þar )

Suður Ameríka og Karabíska hafið:

Havana (gaman að hafa komið þangað en þarf ekki að fara aftur )

Varadero (strandbær á Kúbu, allaveganna hvítasta strönd sem að ég hef séð og rosa flott hótel )

Caracas (í Venesúela, ekki fara út á kvöldin, þá verður þér rænt og þá meina ég þér öllum með húð og hári, þannig að maður hefur séð lítið, af því að maður er alltaf inni á hóteli, en fórum á Argentínskt steikhús einusinni og var náttúrulega rosa gott og ódýrt )

Georgetown (í Guyana, ein ljótasta borg sem að ég hef komið til, allt í niðurnýslu, brunnið bío sem á greinilega aldrei að laga, en fórum í mjög skemmtilegar frumskógarferðir þarna )

Santa Cruz (í Bólivíu var þar í rétt 12 tíma en asskoti heitt )

Buenos Aires (var þar í 11 tíma en mikið rosalega er þetta falleg borg, ekkert í líkingu við aðrar borgir í suður ameríku, væri sko alveg til í að koma þarna aftur )

Asía

Phuket (jú það venst bara ágætlega að vera þarna ef maður lærir að leiða hjá sér stöðugt maaaassaaaaageeeee allan daginn )

Dubai (algjör ævintýraheimur ímyndið ykkur að fara á skíði innanhús í 30° stiga hita, ég prófaði það og svo er hægt að versla allan andskotan, gull og gersemar, fölsuð og ófölsuð föt og margt fleira. Svaka uppbygging í gangi t.d. er verið að byggja hæsta hús í heimi þarna og helling af háhýsum og lestarkerfi sem er ekki til staðar núna og þ.a.l. svaka traffík )

Svo hefur maður komið á einhverja aðra staði sem túristi, en þetta er það sem vinnan hefur dregið mig hingað til. þá er bara Ástralía eftir.

Síjú leiter

Ísland best í heimi..... eða þannig.

Sat, 15 Dec 2007 00:23:38 GMT

Ég ákvað að senda bréf til heilbrigðisráðherra, Guðlaugs Þórs Þórðarsonar. Ég er nú ekki vanur að skipta mér mikið af pólitík, en svo koma tímar að maður lendir í einhverjum aðstæðum sem verða þess valdandi að maður bara verður að láta í sér heyra.

Málið er að ég þurfti að fara til læknis sem er nú ekki frásögufærandi, en þessi læknir ákvað að senda mig til sérfræðings, jújú ekkert mál og ég borgaði einhvern 3-4þúskall sem er ekkert mál en þessi sérfræðingur ákvað að senda mig til annars sérfræðings, o.k, ég fór og borgaði eitthvað um 5þúskall. Þessi ákvað að láta mig koma aftur seinna í eitthvað ofnæmispróf sem ég og gerði og greiddi um 7þúskall. Mér var farið að finnast þetta orðin dálítil fjárútlát og var að spá hvar þetta mundi enda, ég var nefnilega búinn að fara áður í myndatöku út af sama kvilla sem kostaði eitthvað um 6þúskall, fyrir utan eitthvað sem að ég mætti í vegna annars kvilla fyrr á árinu þar sem að ég greiddi einhverja þúsundkalla fyrir og svo var maður náttúrulega búinn að hitta heimilislækninn nokkrum sinnum sem kostar eitthvað í hvert skipti.

Nú hljómar ábyggilega eins og að ég sé síkvartandi og fari til læknis útaf öllum smá kvillum sem að ég fæ, en svo er nú ekki þetta er bara búið að vera skrítið ár varðandi þetta.

Ég fór að spá afhverju ég væri að borga alla þessa skatta ef að í raun ég þyrfti að borga alla heilbrigðisþjónustu að mestu sjálfur. þá var mér tjáð að ef að ég færi yfir 18þús á ári fengi ég afsláttarkort, gott og vel en það var einn böggul sem að fygldi að þessi upphæð miðaðist við áramót. Já sniðugt eða þannig, ég var svo óheppinn að veikjast seint á árinu þannig að í raun þarf ég að eyða 36þúskalli áður en að ég fá svona fínt afsláttarkort ef að ég þarf að halda áfram að fara til læknis eftir áramót.

Afhverju í ósköpunum virkar þetta ekki þannig að þú safnar bara saman kvittunum síðustu 12 mánuði og ef að þú ferð yfir 18þús á síðustu 12 mánuðum þá færðu afsláttarkort og skítt með áramót?

Svo er sagt að Ísland sé best í heimi og með besta heilbrigðiskerfi í heimi. Algjört kjaftæði.

Hef átt samtal við kollega sem að búa í Luxemborg og Svíþjóð, miðað við okkar samtöl þá sé ég ekki hverngi að Ísland getur verið með besta heilbrigðiskerfi í heimi. Í Luxemborg er það þannig að hann borgar 10 evrur 4 sinnum á ári og er fulltryggður á þvi, þarf ekki að borga krónu ef að hann þarf að fara til læknis og börn undir 18 ára borga ekki krónu fyrir lyf og læknisþjónustu. Og í Svíþjóð þarf aldrei að borga krónu. Svona til viðbótar má nefna að í Svíþjóð borgarðu aldrei fyrir fleiri en eitt barn á leikskóla og er það um 12 þús á það barn.

Ég athugaði hvernig sænska kefið virkar, það er þannig að þú borgar aldrei meira 9000 kr á ári dagsett frá fyrstu heimsókn þannig að ekkert áramóta kjaftæði þar og hver heimsókn kostar frá 500kr hja heimilislækni til 3000kr hjá sérfræðing, ekki alveg rétt hjá kollegunum en samt miklu betra en hér.

Ísland best í heimi yeah right.

P.S. ég hef ekki fengið neitt svar frá háttvirtum heilbrigðisráðherra.

Nú er fokið í flest skjól.

Thu, 06 Dec 2007 10:15:11 GMT

Það er langt síðan að maður ritaði eitthvað hér og er það að mestu leyti leti um að kenna.

En ég er í vetrarfríi og á gerist svo sem ekki mikið, nema að ég byrjaði hjá einkaþjálfara (þeir sem muna eftir o.1 tonninu og markmiðinu að komast niður fyrir það fyrir löngu síðan) og er það ekki frásögufærandi nema að eftir fyrstu tímana þá er ég spurður af einkaþjálfaranum hvort að ég sé ekki með harðsperrur, ójú aldrei verið meiri viðurkenndi ég, svo segi ég við hann að það sé nú í lagi vegna þess að ég á heitan pott (rosa montin) og er búin að liggja í honum allan daginn til að ná úr mér harðsperrunum ;). Þá sagði hann mér að það væri ekki neitt rosa sniðugt vegna þess að þegar að maður er búin að æfa þá opnar maður vöðvana og eitthvað bla bla bla og það geri bara illt verra að fara í heitan pott ég ætti heldur að fara í ísbað til að flýta bata :$.

Shit, nú verð ég að tæma pottinn og fylla hann af ís og liggja í honum þannig svo ég verði ekki með viðvarandi harðsperrur í allan vetur.

Annars er ég í vetrarfríi til 17. des fer til Tælands og svo kem ég aftur þann 23. des og þá er ég kominn í vetrarfrí aftur til 8. jan.

Adios í bili

Hálfvitar....

Wed, 24 Oct 2007 23:08:30 GMT

Hver hefur ekki orðið var við það að vera að keyra á eftir vörubíl og fá einn og annan óþverrann yfir bílinn, stundum smá moldrok, sand eða eitthvað álíka.

Las og sá í fréttum um daginn að steypubitar hefðu fallið á götuna við gatnamót Grensásvegar og Miklubrautar og varð mikil mildi að engin bíll hefði orðið undir því, var þetta vegna lélegs frágangs og festinga á vörubílnum. Ég var að keyra áðan inn á hringtorg við nýja hverfið í Garðabænum sem tengist við Kópavog, viti menn mætti ég vörubíl með mikið hlass og hrundi heill hellingur af mold og grjóti af honum þegar að hann beygði af hringtorginu.

Ég hélt að þa þyrfti að byrgja allan farm og ganga þannig frá að ekki hryndi af bílunum.

Held að það þurfi eitthvað detta af og drepa einhvern áður en eitthvað verður gert í þessu.

Bjargvættur

Sat, 20 Oct 2007 20:04:36 GMT

Finnur kom með rafvirkja til mín og var hann lokaður inní bílskúr þangað til að potturinn var kominn í samband.

Og nú hef ég verið í pottinum síðan, held hreinlega að þetta sé besta fjárfesting í langan tíma hjá mér, þannig að potturinn algjör snilld.

Rafvirki óskast...

Wed, 10 Oct 2007 18:19:01 GMT

Ég beið í eftirvæntingu ber að ofan í sundskýlunni einni fata þegar að heita pottinum var halað inn á pall til okkar, ætlaði minn bara að sulla vatni í stinga í samband og henda sér útí og láta líða úr mér.

Þá fór fólk að tala tungumál sem að ég skildi bara ekki "ertu búin að tengja 6 kvaðrata kapalinn inn í töflu með 32 ampera örygginu" ha sagði ég bara aulalegur á svip með gæsabólur í kuldanum, þar sem að ég stóð á sundskýlunni einum fata með handklæðið á öxlinni og instunguna í hendinni tilbúin að stinga í samband og mér ofaní pottinn.

Nú er ég búin að draga 6 kvaðrata kapalinn í gengum rör og hengja þetta fagmannlega upp undir palli að pottinum og inn í skúr að töflu og kaupa 32 ampera öryggið og vantar bara rafvirkja til að klára dæmið.

HJÁLP, MÉR ER ORÐIÐ KALT Á SKÝLUNNI........

Það getur líka verið gaman í ræktinni..........

Thu, 04 Oct 2007 15:52:39 GMT

http://youtube.com/watch?v=84dnMQl3Eos&mode=related&search=

það hefur þurft að æfa þetta dálítið.

Ekki svo miklir umhverfissóðar..............

Wed, 26 Sep 2007 19:53:08 GMT

Var að horfa á sjónvarpið hér í Liege og BBC var að tala um gróðurhúsaáhrif og annað því tengt og þeir minntust á að langversti ferðamátinn fyrir umhverfið væri flug.

Ég var á leið frá London til Hamilton í Kanada um daginn og þar sem að þetta er 8 tíma flug verður maður að finna sér eitthvað að gera á leiðinni þá fór ég að reikna út eldsneytiseyðslu á hvern mann um borð í vélinni á þessari leið.

Reiknaði ég út að það væri um 2.5 lítrar á mann á hverja hundrað kílómetra, þannig að ef að 4 manneskjur keyra þessa leið á venjulegum jeppa þá eyðir hann um 10 á hundraði þá er það sama eldsneytiseyðlan á mann.

Og ef ferðast er með stærri vélum verður dæmið hagkvæmara (fyrir flugvélar), af því má ætla að keyra á jeppa innanbæjar (þá eyðir hann um 15 á hundraði) og kannski einn í bílnum þá má sjá að flug er nú ekki alveg versti ferðamátinn umhverfiislega séð.

Smá pælingar á hótelherbergi í Liege